सबेर हुदैछ

सबेर हुदैछ 

उज्यालो बढ्दै छ

समयले दिउँसो कुर्दै छ

सूर्य घाम दिदैछ

चन्द्रमाले आकार छोड्दैछ

सबै केटाकेटी उठ्दैछन्

घरकी बुढी कराउँदै छिन्

बाख्राका पाठा दौडिदैछन्

मालिक नुहाउँदै छन्

पानी पधेरा मा भिडभाड बढ्दैछ

कृषक दुध तरकारी बजार पुराउँदैछन्

हतार हतार स्कुले विद्यार्थी गृहकार्य भ्याउँदैछन्

टाढा पुग्ने माइति आएकी चेली पोपन्तरो तहपार्दै घर लाग्दैछिन्

सधै जसो पण्डितले शंख बजाउँदैछन्

मेला जाने खेतालाले नाम्लो खोज्दैछन्

हलिया दाई ले हलो बोक्दैछन्

गोठका गरु फुक्दैछन्

तल्लो पाटो बाँझो जोत्नलाई

पल्लारेले अस्ति छरेको

गहुँ बाली टुसा झिक्दै छिन्

दिनै पिच्छे गाई की बाच्छी

हुर्किदै बढ्दैछिन्

शहर गएका मुखिया बा 

गाउँ आउँदैछन्

बाहुन बा ले लाएको धोती

भुइ छुदैछ 

दिल्ली बाट लाहुरे साइला दाईले लिएको कोशेली

गाउँभर बाँडिदैछ

बल्ला घरकी लाहुरेनीले 

चोलो देखाउँदैछिन्

पधेँरीनिले त्यही चोलोको बयान गर्दे छन्